დამოუკიდებელი ინსპექტორის სამსახური აგრძელებს საერთაშორისო ორგანიზაციების წარმომადგენლებთან შეხვედრას.
2018 წლის 30 ნოემბერს, დამოუკიდებელი ინსპექტორი ქეთევან ცინცაძე და სამსახურის აპარატის თანამშრომლები USAID/PROLOG წარმომადგენლებს შეხვდნენ.
შეხვედრის მონაწილეებმა 2018 წლის ბოლოსა და 2019 წელს განსახორციელებელი ღონისძიებები მიმოიხილეს და ურთიერთთანამშრომლობის გაგრძელებაზე შეთანხმდნენ.
შეხვედრის დასასრულს დამოუკიდებელმა ინსპექტორმა ქეთევან ცინცაძემ ამერიკის შეერთებული შტატების საერთაშორისო განვითარების სააგენტოს (USAID) და კანონის უზენაესობის მხარდაჭერა საქართველოში (PROLOG) პროექტის წარმომადგენლებს მხარდაჭერისთვის მადლობა გადაუხადა.
